‘Scam’ ang Bitcoin kag iban pa nga crypto-currency

Wala lang nabalahuba sa media pero madamo na nga mga Ilonggo nga biktima sang mga scam gamit ang Bitcoin kag iban pa nga crypto-currency. Madugay na ako nagapa-andam nga maghalong sa mga nagatanyag sang dalagko nga ganansya kon mag-invest sa Bitcoin. Sang Deciembre, gulpi lumagapak ang presyo sang Bitcoin kag madamo ang nasapwan nga hangin na lang ang ila gina-uyatan. Nakabawi ang presyo gamay, apang ang saka-panaog sang presyo sang Bitcoin nagapatimaan gid lamang sang ginatawag nga “volatility”, ukon indi masaligan kag mapaktan, nga giho sang presyo sini.

Sa America kag iban pa nga pungsod, madamo nga mga bilyonaryo ang padayon nga naga-pakamalaot sang Bitcoin kag ila ginatawag nga pangtonto. “Scam” ang tinaga nga pirmi ginagamit. Kag sining nagligad lang nga inadlaw, may isa ka kilala nga negosyante sa Amerika ang brutal nga nag-tawag sa Bitcoin nga alagyan gid lamang sang mga kriminal sa ila malain nga hilikuton.

Basahon ninyo…